Olav Brunstad fyller 70 i dag

 Olav Brunstad i midten, foto henta frå Kondis.no

Kven er denne Olav Brunstad som er gamal nok til å hugse storrenna i Brunstadbakken i 1962 og 1965?

Du ser Olav Brunstad i Velledalen frå tid til anna. Ikkje kvar månad, men fleire gonger i året. Og mannen er sunnmøring, god som nokon. Forresten skulle det berre mangle med far frå Velledalen, mor frå Stranda, oppvekst i Ålesund og Svein Arne Nakken som god kompis.

At han vert omtala i dag, på nettsida til Velledalen IL, skuldast at Olav alltid har hatt sans for lange kraftprøver, og at han ein god del år har representert Velledalen IL. Olav var ein av 75 som i 2024 har representert Velledalen IL i konkurransar utanom Sykkylven kommune. Han har gjennomført Troll Ski Maraton, Vasaloppet og Birkebeinaren ei rekkje gonger. Lengste løypa i Troll Ski Maraton er 120 km lang, som han har teke på strak arm. Men la det aldri vere tvil; mannen er langt frå utrena!

Vi kan vel seie at Elverum har vore familiemannen Olav sin base størstedelen av livet. Ein god stad å bu om ein har gjort ei militær karriere, som Olav har. Men han har markert seg på andre felt; som innan Elverum Fotball (suksessfull leiar i fleire år), Rotary og sikkert på andre felt.

Når Olav er i Velledalen – der familien har feriebolig på Brunstad – brenn han for fjellturar – året rundt. Andre fritids-syslar er fiske og hjortejakt. I tillegg er han Nærbutikken Velledalen sin beste kunde, om ein reknar snitthandel per dag han oppheld seg i dalen.

Velledalen IL gratulerer Olav Brunstad med 70 års dagen, og rår han til å bruke meir tid i Velledalen no som pensjonist-livet set inn for alvor!