Brunstadsætra trimpost: Inger Anne sterk!

Brunstadsætra trimpost hadde flest noteringar av dei 15 postane sist sesong – og kanskje like eins i år.

Og meldaren vår som var på posten og tok stillinga, reknar posten som avgjort. Ikkje unaturleg sidan Inger Anne Brunstad har fått eit solid føresprang på «resten av feltet» med kring 45 døgn att av sesongen. Inger Anne Brunstad har dominert akkurat denne posten i ganske lang tid. Rett flittig må ein vere den som vil slå henne.

Slik var stoda på Brunstadsætra trimpost då meldaren vår var på posten torsdag 14.august:

219 turar: Inger Anne Brunstad

130 turar: Frode Værøy

  99 turar: Veronika Ulriksen

  89 turar: Arnt Gunnar Brunstad

  67 turar: Marianne Urke

«Premien» for ein tur til Brunstadsætra trimpost er fire trimpoeng. Som betyr at Inger Anne nærmar seg 900 poeng berre på denne posten. Sikker kandidat til ei topp-10 plassering samanlagt.