Oversikt over trimpost-stunt

Her er ei lita oversikt:
24.juli 2008 – NILS TERJE SKYLSTAD (50)
KORT OM TUREN:
  Tok 11 av 12 postar (sløyfa Riksheimdalen) på sommarens varmaste dag. Bruna og Brunstadkølen var ikkje trimpostar på dette tidspunkt. Gjekk mellom postane. Start/mål frå heimen på Hole.
TID: 14 timar

15. august 2010 – KENNETH FET (18)
KORT OM TUREN:
  Tok 13 av 13 postar. Brunstadkølen var ikkje post på dette tidspunkt. Kenneth er den yngste som har gjort stunt. Gjekk mellom postane. Start/mål frå heimen på Fet. Tok Høgsætra som fyrste post, sætreelva i Holemarka som siste.
TID: 15 timar 36 minutt

3. og 4.oktober 2012 – CHRISTINA HOLMBERG (19)
KORT OM TUREN:
  Tok 14 av 14 postar. Einaste haust-utøvaren og einaste som har lagt ruta over Nibbe-breen på veg til Holetindane. Gjekk mellom postane. Start/mål frå heimen i Tregardane. Tok skogsvegen Hjorthol som fyrste post, Vellesætra som siste
TID: 27 timar og 21 minutt

19. juli 2013 – KJELL MAGNAR BERLI (24)
KORT OM TUREN:
  Tok 14 av 14 postar. Sprang mellom postane. Start/mål frå heimen på Brunstad. Tok postane i fylgjande rekkefylgje: Sætreelva i Holemarka – Myrdalsfjellet – Holetindane – Brunstadkølen – Brunstadsætra – Vellesætra – Regndalen – skogsvegen Drabløs – Høgsætra – skogsvegen Fet – Riksheimdalen – Bruna – Koppen – skogsvegen Hjorthol (73,7 kilometer og 3970 høgdemeter). Starta 05.00 om morgonen
TID: 11 timar, 16 minutt og 34 sekund

25 juli 2017 – SVEIN ARNE NAKKEN (51)
KORT OM TUREN:
  Tok 14 av 14 postar. Gjekk/jogga/ sykla der det var råd mellom postane. Start/mål frå Bunnpris i Straumgjerde. Tok Riksheimdalen som fyrste post og skogsvegen Drabløs som siste.
TID: 13.20.10

KOMMENTAR:
Ei handfull flotte representantar for Velledalen IL. Nils var pioneren, Kenneth den yngste som har gjort det, Christina hadde dristigaste opplegget, Kjell Magnar den best trena og raskaste, medan Svein er den eldste av sjølv-pinarane.