Ny stor idrettshelg i vente

O-løparane skal i aksjon
både fredag, laurdag og sundag.

Ørsta Fjellmaraton vert
arrangert laurdag 24. juni. Her er så vidt vi veit Radka Vosicka og Jan
Rakottyai påmelde. Her kan ein velje mellom halv- eller heilmaraton.

Kaptein Dreyers Minnneløp
vert arrangert for 43. gong. Staden er Sunndal kommune på Nordmøre og distansen
er tolv kilometer. Det vi veit sikkert er at Ole-Peder Holmberg og Alf Petter
Bøe skal springe her.

Sundag håper vi
oppslutninga om Tomasløpet vert stor. Særleg bør trimmarane kome seg ut og
lufte seg, og heie på alle som spring på tid. Sjå meir om Tomasløpet andre
stadar på nettsida.

Truleg kjem nokre av dei
dyktige utøvarane i osloavdelinga til å røre på seg. På Austlandet er det eit
utal løp kvar einaste helg, så her kan ein velje og vrake innanfor relativt
korte avstandar.

Følg VIL-aktørane på nettsida
gjennom helga!