Skifter fotballbeite

Foto Eline Langlo

Bengt Hole Alnes har alt signert for 3 div. klubben Stranda. Det er ingen løyndom at dei blåraude har mangla tempo i forsvarsrekkja. Akkurat der er Bengt sterk, så det vert inga bombe om han spelar seg til fast stopparplass.

  Dessutan kan Bengt også nyttast offensivt, og kan bli ein suksess i spann med karar som tanksenter Ronnie Furset og Kasper Koppang. Ein spennande overgang som heilt sikkert vil drage fleire tilskodarar over fjellet til Stranda sine heimekampar.

  Bengt skal i militærteneste til Nord-Noreg i januar 2014, slik at strandatrøya i fyrste omgang blir aksla ut 2013-sesongen.

   

Frå sikre kjelder vert det meldt at Sondre Brunstad Fet skal trene med AaFK frametter vinteren. Han har sondert forholda både i Hødd og AaFK. Sondre går siste året i ungdomsskulen og er gutespelar også komande sesong.

  I 2011 var han dessutan klasseeinar i Møre og Romsdal i langrenn, ein idrett han no har lagt på hylla.

   

VIL-Nett ynskjer hell og lukke til begge gutane i sine nye klubbar.