Saudehornet Opp laurdag

Motbakkeløpet Saudehornet Opp i Ørsta har 10 års jubileum i 2012. Jubileumsløpet går laurdag med start i sentrumsområdet og målgang på toppen av det 1303 meter høge Saudehornet. Løypelengda er kring 5,5 kilometer.

   

Motbakkeløpet i Ørsta har tidlegare vore NM-trasè. Årets løp tel med i NC-cupen, som det sjette av i alt sju. Berre motbakke-NM i Rosendal står att etter Saudehornet.

   

Saudehornet Opp har både konkurranse- og mosjonsklasse. VIL-nett sjekka påmeldinga onsdag kveld. Då stod 79 namn på lista i konkurranseklassa. Mellom desse Nils Terje Skylstad, Velledalen IL, i klasse 55-59 år – som einaste sykkylving.

   

Nils vart klassevinnar i Eggenipa Opp i Breim, og vil heilt sikkert gjere det framifrå i Ørsta òg
   – i ei løype han kjennar godt frå tidlegare deltakingar.