Elling kontrollerer Myrdalsfjellet

Foto av Nils Terje Skylstad

Tida framover ettersommaren og hausten er den beste tida for ein tur på Myrdalsfjellet. Difor er ingenting avgjort, sjølv om mannen i tet har relativt klar leiing.

   

Vi minnest frå sist sesong at Frank og Elling Hole lenge hadde ein durabeleg duell nettopp på denne posten. På det meste vart det køyrt doseringar på både tre og fire turar om dagen. Så tøft at Frank til slutt resignerte.

   -
   
 Dette kan ikkje ein mann i fullt arbeid vere med på, konkluderte maskinentreprenøren Frank, som no er busett på Brøvoll.

   

16. juli, litt seint på dag, var stoda slik mellom dei beste på Myrdalsfjellet:

Elling Hole 41 turar

Nils Terje Skylstad 14 turar

Kari Hjorthol 9 turar

Eldrid Myhre 9 turar

   

Som ein skjønar er det fullt mogleg for andre aktørar å blande seg inn på topp-5 lista før trimbokbytet i månadsskiftet september/ oktober (om lag då).