Idrettsstipend til Kenneth og Hilde.

Under Miniidrettsgallaen i Velledalen grendahus vart det delt ut to idrettsstipend. Til langrennsløparen Kenneth Fet og friidrettsjenta Hilde Riksheim Tandstad

Begge av "sportsleg opphav" og begge av 1992-årgang. Dei to 17-åringane satsar seriøst i to krevjande idrettsgreiner. Difor er VIL glade for å kunne støtte opp om satsinga. For Hilde er UM (ungdomsmeisterskap) i Molde det store målet i 2010. Kenneth har som mål å halde fylgje med dei beste i klassa på kretsnivå. Greier han det, kan det bli både junior-NM og Norgescuprenn i løpet av vinteren.

Hilde(to gonger) og Kenneth har begge blitt kåra til "Årets Utøvar" i VIL og begge har sikra klubben sin KM-titlar. Kenneth i 2006 og Hilde (to gonger) i 2009.

Vi ynskjer lukke til med 2010-sesongen.