Bronse til velledalsjenter

Sist helg vart det arrangert futsal-KM i Blindheimshallen for klasse J 19. Her tok fleire velledalsjenter del, anten på laget til FK Sykkylven eller Stranda IL

Velledalingane på FK Sykkylven gjorde ein fin figur, men laget deira nådde ikkje heilt opp denne gongen.

  Då gjekk det betre for Christina Holmberg og Ellen Marie Hole som har gjort strandarar av seg. I semifinalen tapte dei 3-1 mot Hødd 1, etter at det stod uavgjort til det stod att to minutt av kampen. (Hødd 1 vart seinare KM-vinnar). I bronsefinalen vann Stranda 4-2 over Hødd 3. Dette markerte slutten på ein lang sesong der Christina og Ellen har vore med og henta tre trofé til strandarane sitt premieskåp.