Myrdalsfjellet – Elling sin herlege revansje

I fjor vart han snytt på målstreken på trimposten i Holemarka. Difor er det ei glede – på sjølvaste farsdagen – å kunne gratulere Elling Hole som den trottigaste på Myrdalsfjellet.

Det kan sjå ut som Elling har justert opplegget sitt ein smule denne sesongen. Han har framleis pøst på med korte turar til posten i Holemarka (der han vart nummer to med 148 turar). Men i tillegg har han kombinert med lengre turar, eksempelvis til Myrdalsfjellet.

Den som trur Elling har hatt ein totalt problemfri sesong må tru om att. Han vart ein periode sett heilt ut av spel på grunn av virus på balansenerven.

-
  
 Noko svineri av ein sjukdom, slo Elling fast for ei tid sidan.

Lista over dei argaste på Myrdalsfjellet ser slik ut:

1. Elling Hole
   41 turar

2. Liv Skogvold
   29

3. Marit Hole
   28

3.Kåre P. Grimstad
   28

5 Nils T. Skylstad
   26