Ikkje God Helse-midlar til VIL

I mars søkte Velledalen IL på God Helse-midlar vedkomande dei sporslege lavterskeltilboda Konradløpet, Det Store Folkerennet og Fetvatnet Rundt. I dag fekk vi avslag.

Det var Sykkylven kommune ved Lars Petter Vemøy som oppfordra VIL til å søkje. Ein fyldig søknad med foto frå dei aktuelle arrangementa vart sendt inn innan fristen som var 15.mars. Vi trudde vi hadde ei god sak. Aktivitetstilbod der ingen er for god, ingen for dårleg, og der alle aldersgrupper kan delta.

Fylket skriv fylgjande i avslaget:

” Av budsjettmessige årsaker finn vi dessverre ikkje å kunne prioritere tilskot til Dykkar prosjekt. Vedtaket kan påklagast innan tre veker etter at det er motteke. Klagen må grunngjevast og sendast skriftleg til Møre og Romsdal fylke, kulturavdelinga.”

Vi får invitere sakshandsamar Svein Neerland, eller nokon andre av toppane i Molde, til desse arrangementa. Kanskje vi då stiller sterkare ved neste korsveg.