Ingen frivilleg avtale

Det er no klart at det ikkje blir nokon frivilleg avtale mellom grunneigarane på Drabløs og Sykkylven kommune med omsyn til lysløype for langrenn i Ladalen.

  Kommunen gav fyrst eit tilbod på fem kroner pr. løypemeter (1910) pr år. Dette vart ikkje godteke. Kommunen plussa på tilbodet til 8 kroner pr. løypemeter, noko som ville utgjort ei årsleige på 15 280 kroner pr.år.

  Heller ikkje dette vart godteke. I staden kom det forslag til avtale frå Drabløs grunneigarlag i etterkant av eit møte i grunneigarlaget i april. Der kravde dei 100 kroner pr. løypemeter pr. år. Denne prisen skulle indeksregulerast, og ei planlagt tidtakarbu var ikkje inne i avtalen. Dette ville bety ein grunnleigepris pr. år på 191 000 kroner for sjølve løypa.

Det er liten grunn til å tru kommunen sine menn og kvinner spratt i taket av eit slikt tilbod.