Helseproblem stoppa Kenneth

Kenneth Fet gjorde sitt beste renn for sesongen sist helg, men under KM i klassisk stil i Isfjorden i dag gjekk det tyngre.

  Siste veka har Kenneth hangla helsemessig, så det var heilt til det siste uvisst om han ville starte. Starta gjorde han, men det gjekk tungt frå start til mål. Han kom inn drygt to minutt bak KM-vinnar Geir Marius Øie frå Stordal IL. Sist helg var Kenneth ni sekund bak Øie i klasse G17.

  Vi gratulerer Sondre Brunstad Fet, med opphav frå Velledalen, med KM-tittel i klasse G 12 år fristil. Ein flott prestasjon av guten som representerer Sykkylven IL. Vi kan nemne at far til Sondre, Steinar Kasparson Fet, vart KM-vinnar på 60 meter i klasse G 13 år for nokså nær 30 år sidan. Vi har høyrt den før, historia om eplet og stammen.