Kenneth i Norgescup

Kenneth Fet debuterte i Norgescupen i langrenn i Trøndelag sist helg.

På sprinten vart Kenneth nummer 72 av 131 løparar i prologen med tida 3.52.41. Best av sunnmøringane vart Geir Marius Øie frå Stordal IL med 58 plass. Andreas Foldal frå Hovdebygda vart nummer 63. Det var tett mellom løparane på den korte distansen.

  På 10 kilometer klassisk gjekk det litt tråare for Kenneth. Han vart her nummer 100 med tida 29.23, om lag fire minutt bak vinnaren. Alt i alt ei nyttig erfaring å få bryne seg mot landets beste i klasse 17 år.

  Komande helg er det Sparebanken Møre Cup på sunnmørsk snø med Stordal IL og Sykkylven IL som arrangørar.