Platina Players Cup

Ej forventa at du legg ut på www.velledalen.netat ej å Christina vann Platina Players Cup.

Slik heiter det i ei melding frå Ellen Marie Hole. Saman med Christina Holmberg spelar dei to 15-åringane frå Velledalen på Stranda IL sitt jentelag (fotball). I dag var dei i Giskehallen der Valder arrangerte Platina Players Cup. Strandarane fekk ein god start med 4-1 over Hødd 2, 3-0 over Herd og 9-0 over Valder 3 i puljespelet. I kvartfinalen senka dei Ravn med 2-0, før Spjelkavik måtte bite i det sure eplet i semifinalen (4-2). Finalen mot Hødd 1 stod 1-1 etter speleforlenging. Dermed vart det straffesparkkonkurranse. Denne vann Stranda 4-3, og det var ingen ringare enn keeper! Christina Holmberg som scora det avgjerande målet. Ellen laga seks mål i turneringa, så velledalingane markerte seg positivt i Giskehallen.