KLYPA

Det var fullt hus og høg stemning på Grendahuset laurdagskvelden då Klypa vitja dalen.
   Mange hadde gledd seg i vekesvis, og dei vart nok ikkje skuffa.
   Dei møtte både Palle og Kjell ”Kjellen” Bigset i kjempeslag.

Lag på Lag er og godt nøgde med kvelden.
   Sjølv om dansegallaen vart flytta frå si faste helg slik at den kolliderte med dette arr. så vart det fullt hus og godt med penger i kassa.

Det er Velledalen Skulekorps, Velledalen Idrettslag, Velledalen Ungdomslag, Velledalen Helselag, VRF og Sykkylven Skyttarlag som til saman utgjer Lag på Lag.

Lag på Lag har som hovudoppgåve å skaffe penger til drifta av grendahuset.
   Dette er ein del av betalinga for den ”frie” bruken som
   eigarlaga har.
   Lag på Lag skal i tillegg gi publikum underhaldningstilbod.
   Mange positive tilbakemeldingar tyder på at folk er fornøgde.
  

Det ligg sjølvsagt ein
   stor arbeidsinnsats bak denne aktiviteten, men dei aller fleste som vert bedne om det, stiller opp og er positive til å gjere ein innsats.
   Det er tydeleg at dei som soknar til laga og Grendahuset framleis har dugnadsånda inntakt. Noko som styret i Lag på Lag set veldig stor pris på.