Ekstrem-Nils

Friluftsmannen framfor nokon annan i Velledalen, Nils Terje Skylstad, skal ein av dei næraste dagane gjennom ei kraftprøve av dimensjonar. Han har bestemt seg for å ta alle idrettslaget sine trimpostar på èin dag, utan bruk av sykkel eller bil mellom postane. Dette gjer han på fylgjande måte:
Han startar frå heimen sin med retning mot Holemarka og den fyrste trimposten ved kryssing av Sætreelva. Derifrå held han fram til Myrdalsfjellet og post 2. Post 3 ligg ved varden på Holetindane. Deretter tek han seg ned på Brunstadsætra og vidare til Vellesætra.
Så må han innom Regndalen, før han set kursen mot Fet og postane i deira nærområde. Deretter må han heilt ut i Riksheimdalen og posten der, før han på returen må ta posten i Dravlaus skogsveg. Turen vidare går til Hjorthol, èin post i skogsvegen der, før han avsluttar på Koppen. I alt tolv postar, mange kilometer og ikkje minst høgdemeter ventar.
Vi kan ikkje anna enn ynskje lukke til på turen!