Espen ny klubbrekord på halvmaraton: 1.09.16

Espen Utgård Sæther sprang i dag halvmaraton på 1.09.16 i Malaga, Spania. 17.plass totalt!

No byrjar det gå fort her, godt folk. I dag vart Espen Utgård Sæther den fyrste utøvararen frå Velledalen IL som spring under 1.10 på halvmaraton. Den gamle klubbrekorden lydde på 1.10.03, sett av Espen sjølv i Drammen i 2024. I dag noterte han 1.09.16 (med fall) i Malaga, Spania. Totalt ein imponerande 17.plass.

Førebels veit vi ikkje så mykje, anna enn det Espen har lagt ut på Strava. Det lyder slik:

• 69.16 – Malaga halvmaraton
• Ein liten pers! 17.plass totalt. Ein del vind og i hovugsak solo heile vegen. Tok jamt og trutt igjen folk. Klokka totalt på villspor med tanke på fart (3,17 i snitt og ikkje 3,13). Kunne sett 68-talet, men fekk smake på asfalten 300 meter før mål. Takk til ein uoppmerksam tilskodar som absolutt skulle krysse vegen.

Gratulerer Espen – ein framifrå sesongstart, og vi skriv berre 23.mars!