155 gjekk Romjulsmarsj 2.juledag

Lenge sidan sist det var så mange registrerte deltakarar

Romjulsmarsjen til Velledalen IL har tradisjonar tilbake til 1979, som var året den fyrste marsjen vart arrangert. Deltakinga har variert i takt med vêr, føre og folketal. På det beste er det registrert over 230 deltakarar, men dette var i ei tid der det budde langt fleire menneske i Velledalen enn no. Ser vi tilbake til dei siste åra, er 155 deltakarar eit godt tal.

Trimgruppa hadde som vanleg gjort det koseleg innandørs, og rapporten seier at den tillaga maten vart riven vekk. Berre eit halvt rundstykke låg att då trimgruppa med Bjørg Frøystad Hole i spissen pakka ned. Alt i alt ein særdeles vellukka Romjulsmarsj, avvikla under optimale forhold. Ikkje glatt, ikkje nedbør av noko slag, og ikkje vind.

Velkomen att om eitt år!