11.januar går 3.løp i Ålesund Vinterkarusell

Vêrmeldinga for løpsdagen seier minus to grader, opphaldsvêr og lite vind.

Tredje løp i Ålesund Vinterkarusell vert arrangert sundag 11.januar med start klokka 13.00 frå Fremmerholen.

Distansane er som vanleg valfritt 5 eller 10 km – kontrollmålt av Kondis.

Utdeling av startnummer startar klokka 12.00 arrangementsdagen.

Det vert vidare premiar til dei beste, gåvepremiar og tilgang til saft, cola, kaffi og kake etter løpet.

Allereie komande sundag kan fleire VIL-løparar ha sikra seg den fine medaljen som vert delt ut til alle med tre løp eller fleire, etter siste løpet 8.mars.

 Torsdag 8.januar klokka 19.00 hadde 14 utøvarar meldt seg på. Mellom desse vår eigen Eldar Sindre Valkvæ, som med fullføring av løpet vil ha medaljen sikra.

 VIL-løparar med to løp:

Malin Berge

Fridtjof Fredriksen

Eldar Sindre Valkvæ

Svein Arne Nakken

Ludvig With

Bjørn Arve Brune

Frode Mauren

Alf Petter Bøe

Frank Andersen

Stig Marius Vestnes

VIL-løparar med eitt løp:

Jone Schmidt Breivik

Pernille Linga

Anita Holmberg

Andreas Nakken

Trond Bonesmo

Jan Ketil Vinnes

Marita Bjørkelid Andreassen

Viktig å vere klar over at debutantar i løp 3 – utøvarar som enno ikkje har vore i aksjon – kan greie premien for tre løp. Men må då ha full pott på siste tre løpa.

 Velledalen IL har som mål å greie over 50 enkeltstartar i karusellen, og få minst 10 utøvarar som greier medaljen for tre løp.

Etter to løp har Velledalen IL 27 enkeltstartar og ti utøvarar med to av to løp. Vi har sju utøvarar med eitt løp så langt.

Alt tyder på at sesongmålet vert nådd med grei margin.

Alle VIL-løparar med støtteapparat er velkomne til sosialsamling/Afterrun på Egon Moa etter løpet sundag.