Knall-debut av Marita på halvmaraton

Marita Bjørkelid Andreassen hadde aldri før sprunge halvmaraton. I dag fleska ho til!

46 kvinner fullførte årets halvmaraton under Ålesund Nyttårsmaraton 2025. Av desse vart Marita nummer 15. Og i klasse K 50-54 kom 53-åringen på ein fin 2.plass. Og enno meir fantastisk; Marita var best i klassa på sistestrekket frå vending til mål – i motvinden.

Her er resultata;

ÅLESUND NYTTÅRSMARATON – HALVMARATON – K 50-54:

1. Ingebjørg Stranden Klausen, Molde, 1.47.28
2. Marita B. Andreassen, Velledalen IL, 1.48.09
3. 3 Kirsti Stray- Slørdahl, Ålesund, 1.52.26
4. Siv Anita Klausen Bergseth, Molde, 1.58.53
5. Lindis Laabak Rasmussen, Ålesund, 2.00.26
6. Daiva Paulen, Volda, 2.07.38
7. Kari Johansen Prøven, Eid IL, 2.20.04

Ved vending etter kring halv distanse, låg Marita som nummer to, eitt minutt og 13 sekund bak vinnaren frå Molde. I mål var avstanden mellom dei to krympa til 41 sekund, etter at Marita var best i klassa på det siste motvinds-strekket. Eit prov på at ho er ein god «stayer»!