Renn nummer to i TeleNor/Fjellsætercup i Ladalen i kveld

Postet av Velledalen Idrettslag den 17. Feb 2022

Truleg vil mange delta i renn to i TeleNor/Fjellsætercup i kveld, då vêr- og føreforholda er gode på fjellet. Rennet går i fristil, som betyr ein kan nytte den teknikken ein sjølv ynskjer.

Det er påmelding ved start i tidsrommet 17.30-19.00. Startkontingenten er 50 for born, 100 for vaksne. Deltakarane i Velledalen IL sin aktivitetsskule slepp betale startkontingent, då laget syter for dette. Vi minner om at alle deltakarar får TeleNor oppstart-premie i sitt fyrste renn. For premiering elles, må ein ha to renn eller fleire i løpet av sesongen.

Så minner vi om sundag 20.februar; som er datoen for Barnas Fjellsæterrunde 2022. Med fellesstart og premie til alle.