Premie til Mateusz og Emil

Internasjonal samkome.
  Under sist Idrettsgalla gav Velledalen IL gratis
start til to innflyttarar til Sykkylven, nemleg Mateusz Balon (Polen) og Stijn de
Smedt (Belgia). Begge gjorde ein fin figur i løpet, begge melde seg inn i VIL
etterpå og begge var på plass under O-festen.

Stijn var raskast av dei to under
Konradløpet, medan Mateusz har vorte hekta på O-løp. Så hardt hekta at han
laurdag fekk premie som den VIL-utøvaren med flest startar sist sesong. Premie
vart det også på Emil, sonen som fylgjer faren på dei fleste løpa.

Under den trivelege
samkoma sist laurdag møtte det personar med opphav frå minst fem nasjonar.
Noreg, Danmark og Slovakia, utanom alt nemnde Polen og Belgia. Kjekt at
O-gruppa si «breie» jobbing gir resultat.