Fem av 46 representerte VIL i vinterkarusellen

Fyrste løpet i
vinterkarusellen i Ålesund vart avvikla laurdag 11. november. Stranda var
representert med Bjørn Arve Brune som vann fem kilometer klasse 50-54 år på
20.10. Fridtjof Fredriksen (Sykkylven IL) brukte i overkant av 44 minutt på
sitt milløp i same klasse.

Alle våre sprang fem
kilometer. Raskast var Espen Strøm Grebstad som kom inn på fine 18.31, som tilsvarar
ei Konradløp-fart på kring 16.30. Nest best i klasse 16-17 år, og fjerde best
totalt er flott levert. Svein Nakken er stø på km-tider på ca 4.30. Denne
gongen vart sluttida 22.21, berre slegen av Bjørn Arve Brune i klasse 50-54 år.
Sivert Nakken pressa seg godt ned på 25-talet, medan tvillingbroren Andreas
bikka så vidt 27 minutt denne gongen. Dei to var åleine i klasse 14-15 år. Olaf Øien var best i klasse 70-74 år med tida
27.53.

Elles litt synd at dei to
B-ane Bøe og Bjørnestad ikkje kunne stille. Det var nemleg solid kvalitet i 10
km-feltet, med fleire løparar i området 36-38 minutt. I alle fall Alf Petter
reknar vi med er tilbake ved neste karusell-løp.

Les frå kondis her