Roger Malvin i framgang

arkivfoto
Nøklevann Rundt er eitt av
mange store løp på Austlandet. Løypa er 9,63 kilometer, går i kupert og
krevjande terreng, og vert tidsmessig rekna som ein «hard tiar».

Roger Malvin Hole deltok i
løpet i 2016. Tida vart då 45.01, som heldt til 15.plass av 45 fullførande i
klasse 50-54 år.
 Men 2016 var året der Roger sleit tungt med akilles-problem.
 Noko som hemma han både i trening og konkurransar.

No er
skadeproblema eit tilbakelagt stadium, som gjer at «Hol-hynen» har fått trena
betre. Resultatlista lyg heller ikkje. I helga leverte Roger 43.39. Det er
imponerande eitt minutt og 22 sekund raskare enn i 2016, av ein mann i ein
alder der årleg tilbakegang er meir naturleg enn framgang.

Roger fekk betalt for
framgangen også på resultatlista. Denne gongen vart det 11.plass av 46
fullførande i klasse 50-54 år. Og av dei 498 mannfolka som tok seg til mål - dei aller fleste yngre enn Velledalen IL sin mann – vart Roger nummer 151.

Vi gratulerer Roger Malvin
Hole med ei sportsleg oppmuntrande helg!