Jan og Radka ordna dobbeltsiger

Bilete av Radka frå Koldabakken Grand prix 17
Atlanterhavsløpet er eit
12,5 km langt løp etter asfalt, med start frå Kårvåg, og målgang på Bryn
stadion. 42 løparar deltok med tidtaking, i tillegg til 103 i trimklassa. VIL
hadde med Jan Rakottyai og Radka Vosicka, denne gong i mosjonsklassa, sidan det
berre var ei veke sidan tøffe løp i Ørsta Fjellmaraton.

RADKA:

Beste kvinnetid uansett
klasse hadde Marianne Standal Borgen, Molde Olymp, med tida 54.14. Radka
Vosicka kom inn på sterke 57.17 som vinnar av mosjonsklassa for kvinner. Vi
nemner at vinnartida i konkurranseklassa i Radka si klasse (35-39 år) var
1.04.35. Altså over sju minutt svakare enn vår representant.

JAN:

I klasse mosjon herrar
stilte seks utøvarar til start. Jan Rakottyai var ikkje verre på det enn at han
viste samtlege ryggen. Han vann mosjonsklassa på 59.30, føre Ole Bjørnar Loe
Welde på 1.00.26. Om Jan hadde stilt til start i konkurranseklassa i 35-39 år,
hadde han teke ein fin 3.plass.

Jan Rakottyai skriv i ein
kommentar til VIL-Nett at neste styrkeprøve vert Hornindal Rundt. Både for han
og Radka

 
 -  Ingen forhåpninger for det løpet.
 Klarer ikkje gjette kor lang tid vi treng for å kome i
mål etter 75 kilometer. Men innen et døgn må vi vel klare det. Berre å fullføre
vert som ein lite siger, skriv han