Hilde klassevinnar i Kleivane Rundt

Hilde Riksheim Tandstad
representerte Velledalen IL på framifrå vis under Kleivane Rundt i dag,
2.pinsedag. Kleivane Rundt er eit kupert løp på knappe 10 km rundt Stette.
Hilde seier dette om løypa i ein e-post:

 
 -  Traseen er flott
med både asfalt, grus og sti, og innheld nokre dryge motbakkar undervegs. Låg
framme og drog ei god stund, men såg etter kvart ryggen til Viktoria Tollaas
(vinnar) forsvinne framfor meg.

Hilde brukte 45.11 på
runden, ei tid som heldt til siger i klasse 20-29 år, og nest beste tid mellom
kvinnene. Berre Viktoria Tollaas, Skodje IL, var betre med 43.44.

Herreklassa vart vunnen av
Jan Ketil Vinnes, identisk med årets Konradløp-vinnar, på sterke 35.34.
Kristian Nedregård og Martin Hauge-Nilsen kom på dei neste plassane, men solid
bak Vinnes.

Frå Stette vert det elles
meldt at Inger Riksheim fullførte trimklassa i god stil.