Skuffa over responsen

Svein Nakken melder at det går tregt med påmeldingane til Ramstaddalsløpet. Så tregt at det kan bli avlysning, om ikkje responsen vert større. Etter å ha sendt melding om saka til eit svært høgt antal, hadde han venta større respons.

   -
   
 Faktisk er det berre Oskar Bakken eg har fått positiv respons frå etter å ha sendt eit utal meldingar. Vi må ha alle påmeldingane inne innan tysdag kveld. Det skal trass alt settast opp etappefordeling og mykje organisering for å sy saman opplegget. Difor nyttar det ikkje å melde seg fredag kveld, seier leiaren i VIL langrenn.

   

Løpet har som vanleg start frå Joker Velledalen og målgang same stad. Etter ein rundtur for stafettpinnen på kring 50 kilometer – i neven på unge, gamle, utrena og trena.

Svein Arne Nakken har telefonnummer 90 79 33 43.