Svein & Fridtjof

Då treng dei all din sympati, fordi dei då er i gang med Vasaloppet. 90 kilometer frå Sälen til Mora i Sverige. Ingen kosetur med kakao og bamsemums akkurat. Men dei gjer det av eigen fri vilje, og dei har gjort det før. Mange gonger til og med.

   

Fyrste VIL-medlem i dette rennet var Terje Aurdal. Han har eit tosifra antal startar. Svein Arne Nakken har bestetida med 5.02.06.

   -
   
 Målet denne gongen er å bryte fem timars grensa. Det er meldt skarpt føre , sa ein optimistisk Svein Arne Nakken til Sunnmørsposten for nokre dagar sidan.

Men det var før han fekk spysykja. Den fekk han grundig óg, på onsdag:

   -
   
 Det var som om heile kroppen skulle vrengje seg ut gjennom munnen. Men eg reiser – reiser med munnbind så eg ikkje smittar dei andre. Grensa for slikt skal vere 48 timar etter siste spying har eg fått bekrefta av fagfolk.

   -
   
 Stiller du i rennet eller vert du turist?

   -
   
 Planen er å stille om eg får i meg mat og kroppen fungerer nokolunde. Så får vi sjå. Der er ein matstasjon etter 30 kilometer, ved Risberg. Eg går i alle fall dit. Kjenner eg meg pigg er framleis målet 5-timars grensa, men alt er sjølvsagt meir usikkert no, sa Svein til VIL-nett fredag føremiddag, på sjølvaste avreisedagen.

   

VIL-nett vil fylgje opp resultata til i alle fall desse løparane:

Svein Arne Nakken, Velledalen IL – 5 gong

Knut Anders Hatlen, Stranda IL – 4. gong

Fridtjof Fredriksen, Sykkylven IL – 7. gong

Geir Verpeide, Stranda IL – 3. gong