Alperitt laurdag 25.februar – start klokka 1200

Knut før start i Alperittet i 2009

Langt over 200 deltakarar er påmelde til årets Alperitt med start frå toppen av Roalden og målgang ved kulturhuset i sentrum. Christina Holmberg er «gamal» alpinist og kan snuse på pallplass i si klasse i ei heldig stund utan uhell. Eivind Fet stiller i klasse 40-49 og er heilt klart mellom favorittane der. Eivind har opp gjennom åra hatt fleire topplasseringar i Alperittet, så det er inga bombe om han vinn klassa.

  I 50+ er vi representerte med Svein Ole Sørensen og Knut Kalvatn. Kalvatn er røynd i den forstand at han har delteke fleire gonger tidlegare, Sørensen er debutant. Begge to er mellom dei yngste i klassa og kan overraske positivt.

   

Vi satsar på å kunne kunngjere resultat frå Alperittet i løpet av laurdagen.