3510 grasrotkroner i november

Alt tyder på at året 2025 vil gi ny klubbrekord i talet på grasrot-kroner.

Klubbrekorden i talet grasrotkroner for Velledalen IL sin del skriv seg tilbake til 2022, med 38 256,81 kroner. Til samanlikning gav fjoråret 33 654 i klubbkassa. Den summen er alt passert i 2025, då det hittil er kome inn 36 372. Med ein særs sterk desember kan vi snuse på 40 000 kroner, men det mest sannsynlege er at vi hamnar på 39 000-talet ein stad, noko som er godt over budsjettert.

Med 3510 kroner inn på ordninga i november 25, er månaden den femte beste i året hittil. Best er august med 3837 kroner, svakast er april med 2797 kroner. Talet på givarar har vore stabilt dei siste tre månadane – 92 støttepelarar. STOR, STOR TAKK TIL ALLE DESSE!