KONRADLØPET: Meir enn springing

Endeleg i 2014 gav rekrutteringsarbeidet for namnet Konrad resultat.

Konradløpet starta opp i 2002. Og påmeldingslistene tala sitt tydelege språk; at namnet Konrad var på veg ut. Ingen av dei påmelde dei fyrste åra heitte det. Korkje som føre- eller mellomnamn. Velledalen IL skjøna at namnet var på veg ut. Difor kom ordninga med gratis deltaking for alle med Konrad som namn, ei ordning som framleis gjeld. Dette gav respons, men ikkje stor. Difor vart det bestemt at Velledalen IL skulle premiere dei fyrste i Sykkylven kommune som døypte ungen sin Konrad med 3000 kroner.

Det tok fleire år, men heldigvis vart vi kvitt pengane. Faktum er at vi treng fleire Konradar, og Sykkylven kommune treng fleire born, så STÅ PÅ!

Sjå klipp frå Sunnmørsposten!