Julegåve: Løpsmiljøet i Velledalen IL har fått julegåve

Og det var ingen liten «pakke» som kom heller, fortel friidrettsleiar Alf Petter Bøe.

Friidrettsgruppa greidde ikkje halde seg til jul. «Pakken» måtte opnast med ein gong. Og det var ingen liten bamse som kom ut. Mannen heiter Sverre Kjerpeset, har i arbeidslivet hatt sin plass på Åndalsnes og sportsleg representer Isfjorden IL. Men av opphav er han sunnmøring – frå Ulsteinvik.

Sverre har siste året gjort ei lang rekkje løp. Og for ein stor del framgangsrike løp. Mellom anna var han einaste utøvar som representerte ein romsdals-klubb under KM halvmaraton på Vartdal i vår. Der vart Sverre nummer to i M 35-39 – tida var på 1.29-talet, særs solid i ei tøff løype.

Siste dans i M 35-39

Under Ålesund Nyttårsmaraton i 2024 vart han klassevinnar i M 35-39 på tida 3.29.04 (heilmaraton). 28.desember 2025 gjer Sverre sin siste dans i klasse M 35-39 – på heilmaraton i same løp (Ålesund Nyttårsmaraton). Og det vert hans fyrste «dans» i Velledalen IL. Nettsida vår ynskjer Sverre varmt velkomen, målet i Ålesund vert å få deg under 3.25!

    Når vi skriv 2026 vert Sverre yngst i klasse M 40-44 – vi spår han ei ljos framtid der!