Skirenn: Fleire VIL-løparar skal i aksjon

Både på Sjusjøen og i Trondheim skal VIL-løparar i aksjon i morgon

Fyrst ute etter det vi veit, er Gyls-tvillingane. Sivert og Andreas legg i veg klokka 10.00 laurdag 7.februar under Markatrimmen, 36 km i klassisk stil, i Trondheim. Dette er lengste distansen under rennet, der ein elles kan gå 12 klassisk stil, eller ein kan stille i det som heiter Markatrimmen Trim. Både Sivert og Andreas stiller i klasse M 21-30, under rennet som vert arrangert av Trondhjems Skiklubb.

Timen etter Gyls-tvillingane sin start, klokka 11.00, startar tre lokale utøvarar i Sjusjøen Skimaraton 2026. Eit renn med knappe 900 påmelde dagen før renn-start. Her er Søre Ål IL arrangør. Renn-menyen er rikhaldig: 40 km klassisk, 40 km fri, 19 km klassisk, 19 km fri, 19 km Familie og 19 km Trim. Dei tre lokale utøvarane lyder desse namna:

Geir Verpeide, Stranda IL M 65-69

Svein Arne Nakken, Velledalen IL, M 60-64

Stian Mork, Velledalen IL, M 45-49

Nettsida fekk meldt på telefon frå Valle i føremiddag at Geir Verpeide skal stake, dei to VIL-løparane går med festesmurning. Rennet vil markere Svein Arne Nakken sin debut i klasse M 60-64. Alle tre går distansen 40 km. Vi garanterer ingen ting, men kanskje vil orda «Heia Hødd» runge over startsletta på Sjusjøen. Og det kan laget som i dag tapte treningskampen mot AaFK med to mål sikkert trenge!

PS. Vi set pris på at deltaking/resultat vert meldt inn til nettsida. Det er såpass mykje for tida at det er fort gjort at noko «glepp».