Siste løpet i vinterkarusellen på Hareid

Avvikla 7.februar med 57 deltakarar – mellom dei Eldar Sindre Valkvæ

Vinterkarusellen på Hareid inneheld fire løp rundt Grimstadvatnet. Distansen er 7,7 km og ein må ha minst tre løp for å bli premiert. Løp fire i karusellen vart avvikla 7.februar med 57 deltakarar, 36 vaksne og 21 born. Einaste deltakar frå Velledalen IL var Eldar Sindre Valkvæ i klasse M 65-69. Det gjekk slik:

M 65-69, Grimstadvatnet Rundt laurdag 7.februar:

1. Eldar Sindre Valkvæ, Velledalen IL, 33.36
2. Odd Elvanes, Hareid IL, 35.02
3. Arnt Jarle Johansen, Dimna IL, 40.35

Beste herretid: Jan Endre Rise, Hareid IL, 27.43.

Beste kvinnetid: Silje Kulen, Ulsteinvik, 32.21.

Flott levert av Eldar Sindre! Om vi ikkje bommar heilt, er han åleine mellom VIL-utøvarane om å bli premiert i to vinterkarusellar denne sesongen, på Hareid og i Ålesund!

PS: Siste løpet i vinterkarusellen i Ålesund vert arrangert 8.mars, då med premieutdeling til alle med tre løp eller meir (av totalt fem).