Gledeleg mange på løpstrening

Forholda var perfekte, frammøtet tosifra. Og faktisk nesten like mange kvinner som menn.

Aller mest gledeleg at laurdag 18.april 2026 møtte fleire enn normalt. Og ekstra kjekt at mange av dei nye var kvinner. Treningsøkta var ganske fleksibel, alt etter den einskilde utøvar sitt nivå. Hovuddelen for dei best trena var 10x3 minutt. Men der fanst også andre variantar både vedkomande talet på «drag» og lengde på «draga». Alt tyda på at alle hadde utbyte av den innsatsen som vart lagt ned.

Svært kjekt var det også å sjå Per Inge Bjørnestad tilbake i godt driv. Skal ein vurdere etter kvaliteten han viste på treninga i dag, kan det sjå ut som kortison-sprøyta var verdt prisen. Elles melde Frank Andersen om at «legg-kjenningen» hans truleg var på retur.

Ny trening på Ikornnes Idrettspark laurdag 25.april.

Same dag går Valderløpet for dei som vil prøve seg der.

Så er det MiniKonrad i Velledalen sundag 26.april.

Før Konradløpet slepper startskotet sitt 1.mai klokka 05.15.

OG HUGS: Koldabakken Grand Prix på Hole sundag 19.april klokka 16.00!