Det blir Oktoberløp i år også!

Erna og Olga er dessverre opptekne på løpsdagen, men vi er sikre på det blir mange andre som kjem til å gå eller springe for ei viktig sak!

Sett av laurdag 12. oktober, for då skjer det! Samlingsplassen er flytta til området utanfor Intersport, og no håpar vi på mindre vind i alle fall! Mykje meir informasjon kjem på løpande band fram mot oktober, så følg med...

Men, eit stort arrangement gjer seg ikkje sjølv, så her treng vi hjelp. Ei funksjonærliste vil bli sett opp etter kvart. 

Om nokon tenkjer at "her kunne eg ha bidrege litt..eg kunne ha støtta ei god sak... eg har litt ledig tid... eg likar dugnad og alt det sosiale som følger med... Eg melder meg som frivillig hjelpar!"

Ingen kan gjere alt, men alle kan gjere litt. Her er plass til både unge og eldre!

Saman blir vi endå betre!

Ring eller send ei melding til 

Alf Petter Bøe, tlf 90162279

Anita Mosby Nakken, tlf 98823498

Alle som vil, skal sjølvsagt også få delta i løpet. Vårt håp og ønske er at endå fleire enn i fjor og året før skal melde seg på og støtte Rosa Sløyfe og Kreftforeninga.