TOPP-10 TRIMPOSTAR – SAMANLAGT

Sjå kven som vart nummer 10, og kven som nesten kom på lista.

10.plassen gjekk til ein kar med eit laaaangt sportsleg rulleblad, nemleg Bård Per Erstad. Truleg best kjend som fotballspelar i VRF, men også som langrennsløpar, stafettløpar og hesteskokastar i Velledalen IL. Han er premiert i alle dei nemnde idrettane, i tillegg til kombinert (hopp og langrenn). Elles er han kjend som mangårig løypesjef for Fjellsæterrunden, han har vore fotball-trenar i VRF og hatt suksessfulle år som lagleiar(oppmann) i VRF sin siste gode periode. Bård har gjennom livet halde seg til kvinneleg manager, ho er framleis aktiv og ber namnet Grete.

Bård vart siste året trimpostvinnar i Riksheimdalen. Dit hadde han 185 turar. Statistikkføraren vår har ikkje funne namnet hans på andre trimpostar gjennom sesongen. Med sju poeng på kvar tur, stogga Bård på fine 1295 poeng siste sesong – godt levert av ein 81-åring!

Topp-10 samanlagt Velledalen IL sine 15 postar siste år:

10. Bård Per Erstad 1295 poeng

Like ved: Ruth Kalvatn 1288 poeng

Så er det å vente med lengsel på namnet til personen som vart nummer ni på lista.