Nær 30 på klubbkveld med FunkFit Sykkylven

Julia Bakke vann trekninga av ein månad gratis trening

Det vart ein vellukka klubbkveld med FunkFit Sykkylven og FunkFitFysio på Næringsfabrikken sundag kveld. Kring 30 personar høyrde Ragnfrid Aamodt og Anne Grethe Røren Leine førelese.

Tema var:

• Skadeførebygging
• Korleis styrke-trene i din uthalds-idrett

Mange nytta høve til å stille spørsmål og det vart servert gode kaker med tilhøyrande drikke, frukt og sjokolade.

Velledalen IL har i dag trekt ut ein av dei frammøtte til gratis trening ved senteret i ein månad. Den heldige vart Julia Bakke.

Før ferien vil VIL-medlemar få eit rabattert tilbod på trening/behandling ved FunkFitSykkylven og FunkFitFysio.