Constantin staka Thorleif Haug Skifestival

Dermed har han ordna seedinga til større renn som Birken og Vasaloppet.

Velledalen IL skreiv i går 1.februar at Constantin Rust var påmeld i årets Birkebeinerrenn, men stod utan seeding i startlistene. Same dag nettsida skreiv dette, ordna Constantin seedinga. Gjennom deltaking i «Hauern», som er Thorleif Haug sitt minneløp. Rennet har eksistert sidan 1966, og går i klassisk stil gjennom Drammensmarka. Rennet er ein hyllest til Thorleif Haug som voks opp på Årkvisla, og herja med konkurrentane under OL i Chamonix i 1924.

      Hauern er ganske så langt, sidan vinnar og landslagsløpar Pål Golberg, brukte 2.16.32 på turen. Beste kvinne vart Silje Øyre Slind med tida 2.34.44.

Vår mann gjorde ein fin figur. Constantin vart nummer 15 av 63 fullførande i klasse M 26-30 år. Av totalen på 379 fullførande vart Constantin nummer 52, på tida 2.51.07. Det vil gi Constantin grei seeding i større renn som Vasaloppet, Birken og Holmenkollmarsjen.

På Strava skriv Constantin:

• Livets tredje skirenn! Stak, naturlegvis. Tapte en del tid på å ikke være bedre. Herlig opplevelse nevertheless!