Njål sterk i Japan – 2.41.27 på heilmaraton

Resultatlistene viser han vart på 458.plass totalt – av 37 000 påmelde

Den klassevise plasseringa har vi ikkje enno, men der vil Njål figurere ganske så høgt oppe. Passeringstidene viser at Njål gjekk ut i eit fornuftig tempo. Han snusa lenge på ei sluttid like i underkant av 2.40, men dei siste kilometerane vart tyngre

Alf Jørgen Tyssing, Njål sin far og hjelpar under løpet i Japan, melder fylgjande:

• Njål kom i mål på 2.41.27
• Sjølv meiner han at han ikkje er i si beste form, men det var ei oppleving å få delta i dette flotte arrangementet. På slutten av løpet sleit han, men det var verd slitet. Han vart nummer 458 totalt (av 37 000 påmelde). Han gir dei nye skoa han kjøpte i forgårs deler av æra for at det gjekk så vidt bra.
• Publikum var entusiastiske, sikkert nær 100 000, som omkransa heile løypa.

Velledalen IL gratulerer Njål med ein framifrå sportsleg prestasjon!

Og vi takkar Alf Jørgen for godt journalistisk arbeid i Japan!

God heimreise til dykk begge!