Debutantar vann Konradløpet

Korkje kvinnevinnar Malin Berge, eller herrevinnar Robert Vasset, hadde tidlegare delteke i Konradløpet.

Malin Berge spurta inn til tida 17.30. Det var tre sekund føre Kristina Vaardal-Lunde. Begge debutantar. Erika Oginte, som spring for Velledalen IL vart nummer tre på tida 18.04. Sekundet raskare enn i fjor i sitt tredje Konradløp, og elleve sekund raskare enn evigunge Kari-Anne Tyggestad Ryste frå Sunnylven IL (18.15)

I herreklassa var det venta «VIL-problem» utan essa Constantin Rust, Njål Torillson Tyssing og Espen Utgård Sæther – karar som sprang Påskekonrad, i nøyaktig same løype, på høvesvis 14.00 – 14.06 og 14.32. Det viste imidlertid at det var ingen grunn til otte. Siste skot på løpsstammen til Velledalen IL, og debutant i løpet, Robert Vasset vann på fine 14.56. Kjell Magnar Berli fylgde opp med flott 2.plass på 15.06 (sekundet bak persen), medan Vegard Tandstad vart nummer tre på ny personleg bestetid (15.26). Vidare var maktdemonstrasjonen til Velledalen IL i herreklassa slåande. Rett nok vart Jan Ketil Vinnes – to gonger tidlegare Konradløp-vinnar - nummer fire (15.33), og Martin Hauge-Nilsen tilbake i god gamal form (15.45) som nummer seks. Men elles var det Velledalen IL for alle pengane. Tsjekkaren vår, Jakub Hejl, kom heilt frå New Zealand til 5.plass (15.40), Andreas Nakken vart nummer sju (15.53), Tom Audun Rossland Knutsen leverte ein kjempe-pers (15.55) som nummer åtte, Per Inge Bjørnestad nummer ni (15.58), Per Johan Tronsen nummer 10 (16.08) og Sivert Nakken på plassen bak med tida 16.10.

Vidare fekk vi desse  av våre inn topp-30:

13. Frode Mauren (16.39)

16. Maciej Decyk (17.21- Polen)

20. Alastair Brunton (17.37 - Skotland)

22. Øystein Bakke (17.49)

23. Stijn De Smedt (17.52 - Belgia)

28. Johan Fløttum Fauske (18.05)

29. Fridtjof Aure Fredriksen

Det høyrer med til soga at karar som Tom Audun Rossland Knutsen og Øystein  Bakke sette personlege rekordar med særs stor margin.

Og som dei fleste skjønar; løyperekordane til Ebrahim Abdulaziz, Strindheim IL (13.30) og Anette Heimli Jokstad, Velledalen IL (16.45) overlevde

Løpet 1.mai 2024 gjekk under svært gode forhold, opphaldsvêr, lite vind og ti plussgrader.