Sommaravslutning for idrettsskulen

Måndag 27.mai hadde idrettsskulen sommaravslutning. Vi har lagt bak oss ein periode med mykje aktivitet. Borna har fått prøve seg på minivolleyball, vi har trena til MiniKonrad og hatt orientering ved Sørestranda skule. 

Vi avslutta dette året med ein tur til Kambane der vi leika oss og åt kveldsmat. Foreldre og søsken var òg inviterte til å vere med. Taudissa var populær, og nokon spelte fotball med medbrakt ball. Til og med ein frosk dukka opp og ville vere med på leiken. 

Til slutt takka vi av 3.klassingane som avslutta si tid på idrettsskulen. Til hausten har vi dermed ledige plassar. Vi kjem til å bytte dag frå måndagar til torsdagar. Tidspunktet vert det same, klokka 17.30-18.30. Informasjon i høve påmelding til hausten kjem om ikkje lenge. 

Torild, Janne, Mari og Ann-Helen