Trimpostane våre: Kjell Skogvold i tet på Vellesætra

Det er kring 80 døgn (mindre enn tre mnd) til trimpost-sesongen er over.

Difor er det naturleg at vi ser litt på stoda rundt omkring. Vi startar med trimposten Vellesætra. Ein post i stort sett kontinuerleg motbakke etter god grusveg (unnateke siste kneika). Spreke folk gjer turen unna på kring 20 minutt. Vanleg turtempo er 30-45 minutt. Turen til Vellesætra vert løna med 7 trimpoeng.

      Vanlegvis er Vellesætra inne mellom dei fem beste postane rekna etter besøk. Vi er usikre på om dette går i 2024, men på beste halvdel av dei 15 postane bør gå.

Her er namna på dei ivrigaste turvandrarane til Vellesætra i perioden oktober 2023-11.juli 2024

Stoda nedanfor er notert 11.juli klokka 14.20:

82 turar: Kjell Skogvold

54 turar: Johannes Skylstad Tynes

45 turar: Jarle Lade

45 turar: Anne Kari Hjorthol

35 turar: Torhild Horsevik Skogvold

Like ved: Anita Hjorthol (28 turar) og Inger Anne Brunstad (19 turar).

NB! Trimpost-sesongen vert avslutta kring 1.oktober