Knalldebut av Julia under Stranda Fjord Trail Race

Postet av Atle Jomar Hole den 10. Aug 2024

Julia Sæle Bakke (19) debuterte i jenteklassa (K 15-19) med klassesiger.

 

Julia Sæle Bakke kryssa mållina på den fine tida 5.17.18. Det heldt til klassesiger i klasse K 15-19 over distansen på 25 km. Nummer to i klassa vart Tyra Tronstad frå Stranda, tidlegare o-løpar i Velledalen IL. Julia såg uforskamma sprek ut etter løpet, og det var ikkje meir enn rett og rimeleg at ho vart fotografert saman med Velledalen IL sine to fremste ultra-løparar på herresida, nemleg Constantin Rust og Kjell Magnar Berli. Dei vart nummer tre og fire av heile hurven i løpet over 48 km, og Constantin klassevinnar i klasse M 20-29.

    Det høyrer med til soga at det tidvis regna godt, med vind og ganske låg temperatur på dei høgaste toppane. Med andre ord litt å hente på forholda.

Uansett; ein særdeles lovande debut av Julia, som i 2025 kan ta mål av seg å springe jamt med faren, Øystein Bakke.


Kommentarer

Logg inn for å skrive en kommentar.