Enorm løpshelg 7. og 8.september
Postet av Atle Jomar Hole den 24. Aug 2024
Mellom dei som har lagt arrangementet sitt denne helga er Stavekollen Sky Run, med Ikornnes IL som arrangør.
Her er ei liste over arrangement denne helga der Velledalen IL truleg vert representert
7.sept:
Trondheim Maraton – i skrivande stund 6 påmelde frå Velledalen IL
Melshornløpet (Ørsta/Volda) – 1 påmeld frå VIL
Stavekollen Sky Run – 2 påmelde frå VIL, blir vesentleg fleire
Romsdalseggen (Rauma) – nokså sikkert VIL-deltaking
KK-mila (Oslo) – også her vert VIL representert
8.sept:
Drammen halvmaraton – 5 påmelde frå VIL i skrivande stund
Og berre for å ha sagt det; Velledalen IL sitt A-lag stiller i Drammen denne helga. Her er desse fem alt påmelde (kan bli fleire) :
Eliasbeth Hetlevik (K 60-64)
Njål Torillson Tyssing (M 40-44)
Robert Vasset (M 23-34)
Espen Utgård Sæther (M 23-34)
Constantin Rust (M 23-34)
Eliasbeth Hetlevik vil få ei svært så god plassering i klasse K 60-64 i dette storløpet. Topp-10 i klassa er sannsynleg.
Fartshaldar Velledalen IL
Ja, Constantin har faktisk meldt seg på – og står oppført i deltakarlista - som «fartshaldar Velledalen IL». Og herre-kvartetten vi stiller i dette løpet er det få klubbar i Møre og Romsdal som kunne matcha. Faktisk er det inga bombe om herrane Njål, Robert, Espen og Constantin kjem inn til ei snitt-tid på 1.13-talet i Drammen. Synd det ikkje er noko som heiter NM-stafett i 4Xhalvmaraton. Der kunne Velledalen IL levert bra. Og vi hadde hatt mange sterke reserve-løparar med Anders Westrheim og Kjell Magnar Berli i spissen, i tilfelle skadar. Kanskje hadde 6Xhalvmaraton passa oss betre enn 4Xhalvmaraton.
Stavekollen Sky Run
Men for fleirtalet vert det nok Stavekollen denne helga. Ole Martin og Trond som alt er påmelde vil få selskap av mange klubbkameratar. Det er viktig å støtte opp om Ikornnes IL denne dagen. Godt vêr vil hjelpe på deltaking, humør, trivsel og alt som er.
Vert vêret elendig framover, kan ein bygge seg opp mot helga på Stavekollen med treningsråd og mølletrening hos Funkfit Sykkylven.
Kommentarer
Logg inn for å skrive en kommentar.
Siste fra Atle Jomar Hole

Godt besøk ved trimposten i Holemarka
03.04.2025

Trimpost-sesongen halvferdig
03.04.2025

Konradløpet 2025
01.04.2025

Eit reisebrev frå Tokyo
01.04.2025