Åt kirsebær mellom dei store i Drammen

SK Vidar beste klubb i Drammen, Velledalen IL vert lagt merke til!

Før helga skreiv VIL-nettsida at Velledalen IL skulle mønstre ein ramsterk kvartett under Drammen halvmaraton, den sterkaste i klubben si 118-årige historie. Men sidan Constantin og Robert ikkje fekk registrert tider, må vi sjå på dei beste tomannslaga frå Drammen halvmaraton. Det studiet viser at oslo-klubben, SK Vidar, soleklart vart beste klubb – men like klart at Velledalen IL vert lagt merke til

Sett med Velledalen IL-auge er truleg resultatlista nedanfor noko av det største vi har hatt på trykk…..?

Resultat Drammen halvmaraton, tomannslag, sundag 8.september 2024:

1. SK Vidar 1, 2.16.02
2. SK Vidar 2, 2.18.54
3. Royal Sport, 2.20.17
4. Ullensaker/Kisa, 2.20.19
5. Velledalen IL 2.22.36 (Espen 1.10.03 + Njål 1.12.33)
6. Tromsø Løpeklubb, 2.24.09
7. IK Tjalve, 2.24.28
8. Spirit Friidrettsklubb, 2.24.30
9. IL Gular, 2.26.01
10. Kamp Vestheim, 2.26.26
11. Oslostudentane, 2.26.57
12. Sandnes IL, 2.27.04 (Jakob Ingebrigtsen sin klubb)
13. Moss IL, 2.28.02
14. Kristiansand Løpeklubb, 2.28.40
15. Heming IL, 2.30.38
16. Lørenskog Løpeklubb, 2.32.46 (Sverre Gunnar Brunstad sin klubb)

Er det rart friidrettsleiaren er stolt som ein hane om dagen……? Espen og Njål gjorde til og med denne prestasjonen på  friidrettsleiaren sin 57 års dag. Einaste feilen på lista er at også SK Vidar 3 skulle vore inne på lista. Dei noterte 2.23.13, og skulle vore på plassen bak Velledalen IL, men føre Tromsø Løpeklubb. Men det vart vel nok SK Vidar lell, som friidrettsleiar Bøe ville ha sagt.

Uansett er prestasjonane til Espen og Njål ein fantastisk inspirasjon for ALLE Velledalen IL sine løparar – anten farta er høg, låg eller middels.

God trott gjev resultat, ville Mons-Konrad sagt om han hadde levd.