8.plass i NM landevegsløp til Bjørn Arve Brune

Sterk prestasjon av fersk 60-åring frå Stranda

 Per Kåre Langlo med opphav frå Stranda fekk best tid av samlege i klasse M 55-59. Men han vart ikkje NM-vinnar sidan klubben hans på Austlandet ikkje var medlem i Friidrettsforbundet. Ei sur oppleving. Men Bjørn Arve Brune hadde sitt på det tørre som medlem av Velledalen IL i klasse M 60-64. Han vart nummer 13 av alle deltakarane i Hytteplanmila, men gjekk fem plassar fram i NM til ein brillefin 8.plass.

Resultat NM landevegsløp, 10 km, klasse M 60-64:

1.Kristen Aaby, Sigdal Friidrettsklubb, 35.54

2.Svein Egil Linnerud, Gjøvik Friidrettsklubb, 38.19

3.Kjell Øygard, Jølster IL, 39.49

4.Odd Rognebakk, Tambarsjelvar IL, 40.03

5.Tore Bjerkreim, Nesbyen IL, 40.27

6.Børre Olsen, Driv IL-Friidrett, 41.22

7.Trond Inge Carlsen, Rustad IL, 41.24

8.Bjørn Arve Brune, Velledalen IL, 41.26

9.Agnar Øystein Varsi, Sirma IL, 42.08

10.Jens Ole Årdal, Jølster IL, 42.44

Som vi ser av resultatlista var Bjørn Arve fattige fire sekund bak 6.plassen. Og han var fem sekund bak tida han leverte på 10 km under 10 for Grete i Oslo nyleg (41.21).

Sterk sesongavslutning av Bjørn Arve, som rett etter målkomst ved Hønefoss sette seg i bilen, køyrde heim til Stranda, og møtte til trening med friidrettsleiar Bøe med fylgje sundag morgon. Menyen der var to rundar rundt Fetvatnet. Det er vel slikt ein kallar sjølvdisiplin….?!