Løp på Hareid og Ålesund før nyttår.

Hareid har vinterkarusell i morgon (2.november), Ålesund veka etter.

 Dei fleste har oppsummert 2024-sesongen. Men det finst løp å delta i fram mot nyttår, anten ein satsar på ei sterk tid, eller berre vil ta løpa som trening. Om Velledalen IL vert representert på Hareid laurdag 2.november veit vi lite om, men vi stiller truleg ein bra tropp i Ålesund laurdag 9.november, sjølv om det kolliderer med Førjulsmessa.

Men det store løpet som står att i nærområdet før vi skriv 2025, er Ålesund Nyttårsmaraton. Der er distansane 5 km, 10 km, halvmaraton og heilmaraton. Påmeldinga har kome bra i gang. Rett nok ingen frå Velledalen IL enno, men likevel ei «småbombe» av ein kar med farsopphav frå Velledalen. Jon-Michael Vanebo (Fornebu) er nemleg påmeld på heilmaraton i Ålesund. Bjørn Vanebo er faren, Roger Vanebo onkelen og Åge Vanebo sponsoren. Då er han plassert.