Fridtjof og Bjørn Arve i Valencia

Suksess for to superveteranar på maratondistansen i Spania.

Fridtjof Fredriksen har hatt ein medium sesong, med ei bestetid på halvmaraton på 1.33.59. Men då han kom til Spania for eit par dagar sidan, kvikna han til. Trass mangel på maraton-lik trening gjennom sesongen sprang han distansen på 3.24.21. Noko som faktisk er Fridtjof sin beste sportslege prestasjon gjennom heile sesongen.

Bjørn Arve fekk halve sesongen spolert (fyrste del) av skadar. Men han har vore god i siste del av sesongen, med sterke prestasjonar på rekkje og rad. I Valencia vart han klokka inn på 3.26.47. Han fekk sine plager mot slutten. På Strava skriv Bjørn Arve:

• Valencia Maraton, 42 km. Tid: 3.26.47
• I dag var vi berre og. Kanonbra og jamt fram til 30 km før smellen kom (fire krampestopp). Sjukt fornøgd med å fullføre. Fridtjof var konge i heile dag og kom inn på 3.24.

Frå Fridtjof har det ikkje kome nokon kommentar, men vi reknar med han smiler breitt, og at Irene syter for at han får god pleie i etterkant.

NB!

Fridtjof spring i klasse M 55-59, Bjørn Arve i M 60-64. Vi kjem tilbake med klassevise plasseringar.